Подробности
Просмотров: 710

31 қаңтар күні сағат 19.00-де Үкілі Ыбырай атындағы Ақмола облыстық филармониясында симфониялық оркестрдің «Вечер русской классики» атты концерті өтті. Орыс музыкасы – әлем мәдениетінің үлкен бір бөлігі, еуропалық музыка өнерінің стильдік ағымдарының дүниеге келуі мен ауысуында музыкалық ойлаудың тарихи дамуының маңызды бір буыны болып табылады. Бұл кеште музыка өнерінің жауһарларына айналған композициялар, атап айтсақ Чайковскийдің №5 симфониясы (1 және 2 бөлімі), Рахманинов, Римский, Булахов, Бородинның асыл шығармалары орындалды. Қазақстанның еңбек сіңірген әртісі Шолпан Дүкімбаева мен күміс көмей жас әнші Аягөз Қалмағанбетова кештің сәнін кіргізіп, сахна төрінде өнер көрсетті. Орыс музыкасы талай ғасырлар бойы басқа елдердің музыка мәдениетімен етене араласа отыра, басқа да көркемдік өнернама түрлерімен тығыз байланысқа түсіп қалыптасқандығымен және дамығандығымен ерекшеленеді. Осындай ғажап концертті тамашалауға келген көпшілік бұл кештен үлкен ләззат алып, демалып шықты.

Подробности
Просмотров: 926

Жыл сайын «Көкшетау» мәдениет сарайында басты мемлекеттік мерекелердің бірі – Қазақстан Республикасының Тәуелсіздік күні өтеді. Осы жылы бұл мереке 14 желтоқсан күні салтанатты түрде атап  өтілді.

Концерттің салтанатты бөлімінде Ақмола облысының әкімі М.Мырзалин барлық қатысушыларды Қазақстан Республикасының Тәуелсіздік күнімене құттықтады, сонымен қатар өңір басшысы адал еңбегімен көзге түскен ең үздік ақмолалықтарды марапаттау рәсіміне де қатысты.

Подробнее...  

Подробности
Просмотров: 731

Руслан Богданов - аранжирлеуші (музыканы көркемдеуші), композитор, әнші, сонымен қатар адал, қайырымды, өмірге құштар жан. Міне осындай бірегей тұлға қазіргі таңда денсаулығына байланысты қиын жағдайда, сондықтан да барлық қала болып сүйікті азаматын қолдап, оған көмек көрсетуді шешті. Бірқатар қайырымдылық іс-шараларына қоса «21 күн игі іс» челенджі де өз күшіне енді. Мектеп қабырғаларында Руслан Богдановқа арналған жәрмеңкелер өткізілсе, барлық мәдени мекемелер концерттер берді. Үкілі Ыбырай атындағы Ақмола облыстық филармониясы да шетте қалмай, бұл іске өз үлесін қосты. 18 қаңтар күні сағат 19.00-де эстрадалық-үрмелі аспаптар оркестрі әріптесімізге арнап ретро-концерт берді. Концерттік бағдарлама өткен кездің әдемі хит әндерінен тұрды. Әншілердің орындауында В.Сидоровтың «Дружба» көркем фильмінен «Зимний вечер в Гаграх», Н.Тлендиевтің «Саржайлау», А.Зацепиннің «Есть только миг» композициялары мен «Дни Турбеных» «Белых акаций гроздья душистые» киноленталарынан романстар, У.Жолдасовтың «Шаттығым менің», А.Бабаджанянның «Верни мне музыку», Ю.Антоновтың «Нет тебя прекрасней» және тағы басқа да көпшіліктің сүйіп тыңдайтын әндері орындалды.

Подробности
Просмотров: 739

2018 жылы  «Бір белдеу,  бір жол» бастамасы өзінің  5 жылдық  мерейтойын тойлауда, бұл әлемдік  қоғамдастықтардың назарын өзіне қаратқан үлкен оқиға.   Осыған байланысты Үкілі Ыбырай атындағы Ақмола облыстық филармониясының әртістері: «Айнакөл» фольклорлық ансамблі, жетекшісі Жұлдыз Жүзбаева, «Гәкку» би ансамблі, жетекшісі Гүлмира Ордабаева  және филармонияның жетекші әншісі Аягөз Қалмағанбетова  2018 жылдың  26-29 желтоқсаны аралығында Қытай Халық  Республикасында өткізілетін «Бір белдеу,  бір жол» бастамасының 5 жылдығына  арналған концертке қатысты. Сапар «Қазақ әуендері» АҚ-ның  қаржылық  қолдауының  арқасында іске асты.

Подробнее...  

Подробности
Просмотров: 891

2019 жылдың 6-7 қаңтар күндері Көкшетау қаласының барлық православие қауымы басты мерекелерінің бірі – Иса пайғамбардың туған күнін тойлады. Міне осы күні филармония қабырғасында «Музыкалық кофехана» инновациялық жобасы «Рождестволық кофехана» атты бағдарламасына барша өнер сүйер қауымды шақырды. Бұл мереке жаңару дегенді білдіреді. Себебі Исаның дүниеге келуі адамзаттың жаңа, жарқын дәуірге аяқ басқанын білдірген болатын.

Подробнее...  

Подробности
Просмотров: 891

Желтоқсан айының 5 жұлдызында Ақмола облыстық филармониясының сахна төрінде дәстүрлі ән орындаушысы мен насихаттаушысы Сәрсенбай Хасеновтың, Қазақстан Республикасы тәуелсіздігінің 27 жылдығына орайластырылған «Тәуелсіздік-тұғырым» атты шығармашылық концерті өтті. Бұл концертте, әншінің «Жігіттің падишасы» және «Сұраған саған аманат» атты авторлық жинақтарының тұсаукесер рәсімі өткізілді.

Подробнее...  

Подробности
Просмотров: 848

27 қараша күні сағат 19.00-де Үкілі Ыбырай атындағы Ақмола облыстық филармониясында  Дмитрий Петюльдің «Romantic sax 2» атты жеке концерті өтті. Саксофон – джаз  және оған  туыстар жанрларда, сонымен қатар эстрадалық музыкада қолданылатын басты аспап. Бұл музыкалық аспап толыққанды, күшті дыбысталуымен, тембрлік саздылығымен және  техникалық жағынан ерекшеленеді.

Дмитрий Петюль жыл сайын бірнеше жеке концерттерін беріп келеді. Әртістің жан досы, сырласы, мұңдасы  ол – саксофоны. Әртіс бар жан тебіренісін саксофонға салып жырлайды, аспабымен бірге үндесіп, бірін-бірі толықтырып, өнер жолында бірге қадам басып, дамып келеді.

Подробнее...  

Подробности
Просмотров: 915

17 қазан күні Үкілі Ыбырай атындағы Ақмола облыстық филармониясында 72-концерттік маусымның ашылу аясында  дирижерлар  Ерназар Уразалин (Көкшетау қ.) мен  Артур Оренбургскийдің   (Алматы қ.). жетекшілік етуімен эстрадалық-үрмелі аспаптар оркестрінің концерті өтті. Саксофонның романтикаға толы үніне барабан қағысы қосылып, ол контрабас пен  сыбызғының ғажап үнімен үндесіп залды  әдемі күйге бөледі.

Бұл кеште оркестрдің сүйемелдеуімен танымал әндерді шарықтата шырқаған әншілерге қосыла көрермендер де ән салды. Музыканттардың өнеріне тәнті болған халық түрегеп тұрып қошемет астына алды. Ал сахна төрінде өнер көрсетіп тұрған әртістер үшін  бұл ерекше құрмет, көрермендердің ыстық ықыласына, көрсеткен құрметіне риза болған олар бар  өнерлерін ортаға салды. Өнерлерін бағалаушы, музыканың қадірін білетін ортада әртістер түрленіп, шабыттары шарықтап кететіні кімге болса да аян. Міне, бұл кеш те осындай керемет ерекше атмосферада өтті.

Подробнее...  

Страница 28 из 34

Онлайн кім

Қазір 20 қонақ және Бірде бір тіркелген қолданушы жоқ сайтта отыр