Подробности
Просмотров: 942

Желтоқсан айының 5 жұлдызында Ақмола облыстық филармониясының сахна төрінде дәстүрлі ән орындаушысы мен насихаттаушысы Сәрсенбай Хасеновтың, Қазақстан Республикасы тәуелсіздігінің 27 жылдығына орайластырылған «Тәуелсіздік-тұғырым» атты шығармашылық концерті өтті. Бұл концертте, әншінің «Жігіттің падишасы» және «Сұраған саған аманат» атты авторлық жинақтарының тұсаукесер рәсімі өткізілді.

Подробнее...  

Подробности
Просмотров: 916

27 қараша күні сағат 19.00-де Үкілі Ыбырай атындағы Ақмола облыстық филармониясында  Дмитрий Петюльдің «Romantic sax 2» атты жеке концерті өтті. Саксофон – джаз  және оған  туыстар жанрларда, сонымен қатар эстрадалық музыкада қолданылатын басты аспап. Бұл музыкалық аспап толыққанды, күшті дыбысталуымен, тембрлік саздылығымен және  техникалық жағынан ерекшеленеді.

Дмитрий Петюль жыл сайын бірнеше жеке концерттерін беріп келеді. Әртістің жан досы, сырласы, мұңдасы  ол – саксофоны. Әртіс бар жан тебіренісін саксофонға салып жырлайды, аспабымен бірге үндесіп, бірін-бірі толықтырып, өнер жолында бірге қадам басып, дамып келеді.

Подробнее...  

Подробности
Просмотров: 975

17 қазан күні Үкілі Ыбырай атындағы Ақмола облыстық филармониясында 72-концерттік маусымның ашылу аясында  дирижерлар  Ерназар Уразалин (Көкшетау қ.) мен  Артур Оренбургскийдің   (Алматы қ.). жетекшілік етуімен эстрадалық-үрмелі аспаптар оркестрінің концерті өтті. Саксофонның романтикаға толы үніне барабан қағысы қосылып, ол контрабас пен  сыбызғының ғажап үнімен үндесіп залды  әдемі күйге бөледі.

Бұл кеште оркестрдің сүйемелдеуімен танымал әндерді шарықтата шырқаған әншілерге қосыла көрермендер де ән салды. Музыканттардың өнеріне тәнті болған халық түрегеп тұрып қошемет астына алды. Ал сахна төрінде өнер көрсетіп тұрған әртістер үшін  бұл ерекше құрмет, көрермендердің ыстық ықыласына, көрсеткен құрметіне риза болған олар бар  өнерлерін ортаға салды. Өнерлерін бағалаушы, музыканың қадірін білетін ортада әртістер түрленіп, шабыттары шарықтап кететіні кімге болса да аян. Міне, бұл кеш те осындай керемет ерекше атмосферада өтті.

Подробнее...  

Подробности
Просмотров: 1154

Қыркүйектің 27-і күні Ақмола облыстық филармониясында 72 концерттік маусымның ашылуы, күй атасы Құрманғазы Сағырбайұлының 200 жылдығына орай, К.Күмісбеков атындағы қазақ халық аспаптар оркестрінің концертімен өтті. Концертті дирижер Тұрлықожа Базаровтың басқаруымен ҚХАО(қазақ халық аспаптар оркестрі) және Гүлмира Ордабаеваның жетекшілігімен филармонияның сәніне айналған «Гәкку» би ансамблі ашты.

Подробнее...  

Подробности
Просмотров: 1176

15 маусым күні «Көкшетау» МС-да денсаулық сақтау саласының өкілдері төл мерекелерін атап өтті, құрметті қонақтар қатарында осы салада адал қызмет еткен ардагерлер болды. Медицина қызметкері күніне арналған салтанатты жиналысқа облыс әкімі Мәлік Мырзалин қатысты. Әкім өз сөзінде облысымызда 1857 дәрігер мен 6446 арнаулы орта білімді медицина қызметкері халыққа қызмет көрсетіп жүргенін, сонымен қатар  облысымызда  дүниеге келген сәбилердің саны 2,3% артқанын, бұл  өңіріміздің республика бойынша бірінші орынға шығуына мүмкіндік бергенін атап өтті. Марапаттау рәсімінде көпшілік тұрғын үйге зәру медицина қызметкерлеріне 20 қызметтік пәтердің кілті табысталғанының куәсі болды. Сонымен қатар Мәлік Мырзалин денсаулық сақтау саласының қызметкерлерін денсаулық сақтау саласының дамуына қосқан үлкен үлестері мен кәсіби қызмет барысында жеткен жетістіктері үшін «Қазақстан Республикасы денсаулық сақтау ісінің үздігі», «Денсаулық сақтау ісіне қосқан үлесі үшін» төс белгілерімен және облыс әкімінің алғыс хаттарымен марапаттады.

Подробнее...  

Подробности
Просмотров: 1996

30 мамыр күні  сағат 18.30-да «Үкілі Ыбырай атындағы Ақмола облыстық филармониясы» МКҚК-да  «Туған жер» арнайы  жобасының «Рухани жаңғыру» кіші бағдарламасының «Өңірлік мәдениет, дәстүрлер мен құндылықтар» базалық жобасын  жүзеге асыру және Астананың 20 жылдығын мерекелеу аясында, сонымен қатар   Балаларды қорғау күнінің қарсаңында «Гәкку» би ансамблінің есептік концерті өтті, ансамбльдің жетекшісі – Гүлмира Ордабаева.

Би – өнердің көнеден келе жатқан бай бір түрі, қызықты, санқырлы, жарқын, эмоциялық әсерге толы жанр.  Сән  мен  уақыт ағымы  халықтың тарихын бойына сіңірген  халық биіне әсер ете алмады, оны жер бетінен жойып та жібере алмады. Әр халық, әр ұрпақ өз ата-бабаларын  ұмытпауға тырысып, олардың өмірінен көрініс беретін әр өнер түрін сақтап, ұрпақтан-ұрпаққа жеткізуге тырысады.   Ал би болса ол өмірдің ерекшелігін, санқырлығын ашып беруге жәрдемдеседі.   Негізінен «Гәкку» би ансамблінің репертуары  ұлттық хореографиядан тұрады.   Ансамбльдің аты затына сай, құс төресі аққудың кербездігі бойында бар «Гәкку»  би ансамблінің ұжымы сұлулық пен бекзаттық, пластикалығымен ерекшеленеді.

Подробнее...  

Подробности
Просмотров: 1097

28 мамырда  сағат 19.00-де Щучье қаласының мәдениет үйінде  Үкілі Ыбырай атындағы Ақмола облыстық филармониясының әншілерінің қатысуымен дирижер Әділет Азбаевтың жетекшілік етуімен  К.Күмісбеков атындағы қазақ халық аспаптар оркестрінің  «Күй мен  классика әлемі» атты  концерті өтті. Концерт  «Рухани жаңғыру» бағдарламасы мен Астананың 20 жылдығы аясында  тарихи-мәдени  мұраларымызды  сақтап, дәріптеп, дамыту мақсатында көпшіліктің назарына ұсынылды.

Концерттік бағдарлама барысында халық композиторларының күйлері ойналып, заманауи Қазақстан  композиторларының  төл шығармалары мен әндері, танымал  әлем классикалық шығармалары орындалды.

Подробнее...  

Подробности
Просмотров: 875

13 мамырда «Астана Опера» МОБТ-тың Үлкен залында Қазақстанның еңбек сіңірген қайраткері Абзал Мұхитдиновтың жетекшілік етуімен өткен «Астана Опера» театрының симфониялық оркестрінің  «От барокко до рока» атты концертіне орындаушылық шеберлігімен көзге түсіп жүрген филармонияның жезтаңдай әншісі Эльмира Камарницкая мен филармония әрістері: Олеся Станкус (саксофон), Наталья Серафимович (саксофон), Роман Гомозов (саксофон), Юрий Храмцов (гитара) қатысты. Эльмира Камарницкая Фаусто Папеттидің «Райская мелодия» және И.Крутойдың «Angel pass away» композицияларын керемет орындап шықты. XVІІ ғасырдағы бароккодан бастап XХ ғасырдағы рокқа дейінгі түрлі дәуірлер мен стильдердегі музыка орындалды. Қаныққан санқырлы бағдарлама (әдемі барокко, қатаң классицизм, рухани романтизм, интеллектуалды джаз бен жалынды рок)  көрермендерін таң қалдырды, керемет көңіл-күй сыйлады. Құрамында біздің әртістеріміз өнер көрсеткен «Астана Опера» театрының симфониялық оркестрі жоғары орындаушылық шеберлігімен және өзінің туа біткен дарынымен, тың ойларымен көпшіліктің таңдайын қақтырып жүретін Абзал Мұхитдинов өнер сүйер қауым үшін концертті нағыз мерекеге айналдарды.

Страница 31 из 37

Онлайн кім

Қазір 19 қонақ және Бірде бір тіркелген қолданушы жоқ сайтта отыр