29 қазан күні Үкілі Ыбырай атындағы Ақмола облыстық филармониясының шығармашылық ұжымдары Уәлихан ауданы, Кішкенекөл ауылында өткен Қарттар күніне арналған іс-шараға қатысты.

Іс-шараның концерттік бөлімінде камералық музыка ансамблі, «Гәкку» би ансамблі, филармонияның жезтаңдай әншілері: «Мәдениет саласының үздігі» Ләззат Едрисова, Республикалық байқаулардың лауреаттары:Аякөз Қалмағанбетова, Өмірзақ Шешханұлы, Аманғали Жұматай, Саида Сағди, Арай Букаева, Марина Зяблинцева өнер көрсетіп, ел қазынасы дана қарттарды төл мерекелерімен құттықтады.