7 қыркүйек күні сағат 19:00-де Үкілі Ыбырай атындағы Ақмола облыстық филармониясының концерттік маусымының ашылуы қарсаңында К.Күмісбеков атындағы қазақ халық аспаптар оркестрінің «Өз елім» атты концерті  өтті.   Концерттік бағдарламаның негізін қазақтың әйгілі күйші композиторы, дирижер, дәулескер домбырашы Нұрғиса Атабайұлы Тілендиевтің өлмес туындылары, сонымен қатар К.Күмісбековтің  «Назерке», «Вальс» шығармалары да көпшіліктің назарына  ұсынылды.

Нұрғиса Тілендиевтің «Алтын дән», «Қайрат», «Махамбет», «Көш керуен», «Өз елім»  сынды қазақ халқының бар болмыс-тіршілігін ашып көрсететін, патриоттық рухқа толы ғажап күйлері мен туындылары оркестрдің орындауында  құйқылжи төгілді.  ҚР еңбек сіңірген әртісі Шолпан  Дүкімбаева «Кел, еркем, Алатауыңа» әнін, Серікболсын Бекмолдин «Жан сәулем» әнін шарықтата шырқады.  Бұл концерт  өз елім, туған жерім деген жандардың жүрегінен орын алып, жан-дүниесін баурап алғаны сөзсіз.

 Концертті  Самат Уатхан мен Алтынай Искакова  жүргізді.

«Рухани Қазына - 2021» республикалық фестивалі аясында

 «Қазақстан мәдениетінің астанасы» іс-шаралар жоспарын іске асыру аясындағы

Алматы  облысының іс-шаралар жоспары