«Үкілі Ыбырай атындағы Ақмола облыстық филармониясы» МКҚК «Туған жер» арнайы жобасының «Рухани жаңғыру» ішкі бағдарламасының «Өңірлік мәдениет, дәстүрлер мен құндылықтар» негізгі жобасын іске асыру барысындағы қызметін белсенді жалғастыруда. Үстіміздегі 2018 жылы «Көкшетау – тал бесігім» классикалық және халық музыкасының V музыкалық фестивалі, «Ғасырлар үні» өңіраралық фольклорлық-этнографиялық фестивалі, «Гәккулеткен, аққу жеткен – Көкшетау» өңіраралық фестивалі сынды көлемді 3 фестивальді өткізу жоспарланып отыр.